Mundua -
Gatazka
Gutxienez 36 hildako Sirian izandako bonbardaketa batean
Horietatik 15 adin txikikoak dira; Gobernuko zenbait helikopterok bonbak jaurti dituzte Ard al Hamra, Al Haidaria, Al Sajur eta Sheij Said guneetan, Alepon.
Erredakzioa
Gutxienez 36 pertsona hil, horietatik 15 adin txikiko, hil dira gaur, igandea, Siriako Armadak Alepon egindako bonbardaketa batean, herrialdearen iparraldean, Siriako Giza Eskubideen Behatokiak zabaldu duenez.
Aipatu iturriaren arabera, Gobernuko zenbait helikopterok bonbak jaurti dituzte Ard al Hamra, Al Haidaria, Al Sajur eta Sheij Said guneetan, Alepon eta, ondorioz, 15 adin txikiko, 16 urteko gazte bat, emakumezko bat eta beste 19 gizonezko hil dira.
Gainera, Indar Armatuak antzeko oldarraldi bat egin dute Marya inguruan, esandako hirian, eta kalte materialak eragin dituzte.
Alepo aukeratu zuten erreboltariek 2012ko uztailean erasoak egiteko; hori dela eta, hiriko gune handi asko kontrolpean izatea lortu dute, baina ez hiri osoa.
