Mundua -
Txostena
60.000 lagun hil dira Sirian gatazka hasi zenetik, NBEren arabera
NBEko Giza Eskubideen Goi arduradunak bost hilabete eman ditu ikerketa egiten. Datuak biltzeko zazpi iturri ezberdin erabili ditu, tartean Siriako Gobernua.
Erredakzioa
Siriako gatazka hasi zenetik 60.000 lagun hil direla salatu du gaur Nazio Batuen Erakundeak. Martxoan bi urte beteko dira gatazka hasi zenetik.
NBEko Giza Eskubideen Goi arduradunak bost hilabete eman ditu ikerketa egiten. Datuak biltzeko zazpi iturri ezberdin erabili ditu, tartean Siriako Gobernua.
Datu horien arabera, 2011ko martxotik 2012ko azarora 59.648 lagun hil dira Sirian.
Gaur ere hamabi lagun hil dira Damasco hiriburuaren kanpoaldean, horietatik bederatzi haur. Armadak okindegi bat bonbardatu du, Siriako Giza Eskubideen behatokiak jakinarazi duenez.
