Gizartea -

Ezbeharra Mendian

Mendizale kataluniar bat hil da Armeniako tontorrik garaienean, elur-jausi batek harrapatuta

Harekin zihoazen zortzi mendizaleak bizirik atera dira, baina zazpi ospitalera eraman behar izan dituzte.

Armeniako Aragats mendia, artxiboko irudi batean. Argazkia: Jon Artano
Armeniako Aragats mendia, artxiboko irudi batean. Argazkia: Jon Artano

Armeniako Aragats mendia, artxiboko irudi batean. Argazkia: Jon Artano

EITB Media

Whatsapp Facebook Twitter Telegram Email

Joan Barrera La Seu d'Urgelleko (Lleida) alkateak baieztatu duenez, Aragats mendiaren iparraldean, Armenian, izandako elur-jausiaren ondorioz desagertutako alpinista kataluniarra hil da. Gainera, lau zauritu larri eta lau arinago utzi ditu elur-jausiak, eta ospitalera eraman dituzte.

RTVEn egindako elkarrizketa batean esan duenez, Udala kaltetutako familien esanetara jarri da, eta zauritu guztiak sendatuko direla esan du: "Mendizaleak jota daude bizitakoaren ondorioz, eta amesgaizto honen ondoren etxera itzultzea espero dute".

Jon Artano ostiralean igo zen Aragatsera, elur-jausi batek 9 mendizale kataluniar harrapatu dituen mendira
Jon Artano ostiralean igo zen Aragatsera, elur-jausi batek 9 mendizale kataluniar harrapatu dituen mendira

Jon Artano ostiralean igo zen Aragatsera, elur-jausi batek 9 mendizale kataluniar harrapatu dituen mendira

1:20

Ordu batzuk lehenago, Jose Manuel Albares Espainiako Gobernuko Atzerri ministroak baieztatu du Kataluniako mendizale bat desagertuta zegoela Armenian, elur-jausi batek harrapatuta. Gainera, harekin zihoazen zazpi kataluniar ospitalean daude (baina arriskuz kanpo), eta beste bat onik dago.

Elur-jausiak Aragots mendian harrapatu ditu bederatzi mendizale kataluniarrak. Armeniako tontor garaiena da (4.095 metro). Aktibo ez dagoen sumendia da, hain zuzen ere.

Hau zure interesekoa bada, baliteke beste gai hauek ere izatea
Katalunia gaur Gizartea Eguneko albisteak Albisteak Mendiko istripuak gaur Mendi kirolak gaur