Gizartea -
GERTAERA
Hiru adingabe atxilotu dituzte Badajozeko tutoretzapeko etxe bateko hezitzailea hiltzeagatik
Lehen ikerketen arabera, hezitzailea gerriko batekin ito zuten. Meridan atxilotu dituzte, eta 14 eta 15 urteko bi nerabe eta 17 urteko neska gazte bat dira.
Agentziak | EITB MEDIA
Badajozeko tutoretzapeko etxebizitza bateko 35 urteko hezitzaile bat hil da hiru adingaberen eraso bortitz baten ondorioz, Polizia Nazionalak jakitera eman duenez.
Informazio horren arabera, 14 eta 15 urteko bi nerabe eta 17 urteko neska gazte bat atxilotu dituzte.
Lehen ikerketen arabera, hezitzailea gerriko batekin ito zuten.
Badajozeko Polizia Judizialaren brigada probintzialeko lehen taldeak hartu du hezitzaile horren heriotza ikertzeko ardura.
Polizia-agenteek ikerketak zabalik dituzte, Agintaritza Judizialari, Ministerio Fiskalari eta Adingabeen Fiskaltzari gertakariaren berri emateko.
