Gizartea -
MEZUAK SARE SOZIALETAN
Gizon bat atxilotu dute Amurrion, hildako bi guardia zibili sare sozialetan barre egiteagatik
Atxilotuak, 4 milioi jarraitzaile baino gehiago dituen sare sozial batean, hau idatzi zuen: "Polizia hila, baratzerako ongarririk onena".
Agentziak | EITB MEDIA
Guardia Zibilak pertsona bat atxilotu du Amurrion, irain-delitu bat egotzita, sare sozial batean mezu iraingarriak argitaratzeagatik. Mezu horietan, Guardia Zibileko bi agenteren heriotzaz barre egiten zuen.
Ikerketa 2024ko maiatzean hasi zen, Castellóko Guardia Zibilaren telefonora egindako dei anonimo baten ondoren. Dei horrek ohartarazi zuen sare sozial ezagun bateko erabiltzaile batek hildako agenteen aurka egindako iruzkin iraingarriarez.
Atxilotuak, 4 milioi jarraitzaile baino gehiago dituen sare sozial baten profilean, honela zioen hitzez hitz: "Polizia hila, baratzerako ongarririk onena".
Iruzkina 2024ko martxoan jazotako gertakariaren berri ematen zuen argitalpen bati buruzkoa zen. Guardia Zibileko bi agente hil ziren AP-4 errepidean, Los Palacios (Sevilla) parean, kamioi batek harrapatuta.
Ikertzaileek iruzkina egiteko erabilitako sare sozialaren profilaren titularra benetan nor zen ikertu zuten, eta Amurrion identifikatzea eta aurkitzea lortu zuten, eta bertan atxilotu dute.