Lau edukiontzik su hartu dute Getxon, eta bi ibilgailutan kalteak eragin ditu

Getxoko Gobela kaleko lau edukiontzi erre dira gauean eta suak bertan aparkatuta zeuden bi autotan kalteak eragin ditu.

Segurtasun Sailak jakitera eman duenez, sua 03:20 aldera piztu da Gobela kaleko lau edukiontzitan, eta erabat kiskali dira, baina ez da inor zauritu.

Garrak beira biltzeko ontzi batera zabaldu dira, baita bertan aparkatuta zeuden bi ibilgailutara ere, eta horietan ere kalteak izan dira.

Ertzainak eta udaltzainak bertaratu dira, suhiltzaileekin batera, eta minutu batzuk geroago itzali dituzte garrak.