Gizartea -
Adingabeak
Gizon bat atxilotu dute Bergaran, hiru urteko semea Ertzain-etxearen aurrean abandonatzeagatik
Zaintza-kameren bidez egoera ikusi zutenean, zenbait agente hurbildu eta ihes egiten saiatzen ari zen gizona geldiarazi zuten. Gizonak aitortu zuen, bere egoera pertsonala zela eta, ezin zuela haurraren ardura bere gain hartu, eta Zerbiztu Sozialen esku utzi beharra zuela.
EITB Media
Ertzaintzak 39 urteko gizon bat atxilotu du larunbat arratsaldean Bergaran, 3 urteko semea, maleta batekin abandonatzeagatik, Ertzain-etxearen aurrean.
Segurtasun Sailak jakinarazi duenez, atzo, larunbata, arratsaldeko ordu biak aldera gertatu zen, Ertzaintzaren Bergarako ertzain-etxearen atarian. Zaintza-kameren bidez iksui zuten agenteek gizon batek nola uzten zuen haur txiki bat sarrerako atearen aurrean, maleta batekin.
Egoera ikusita, zenbait agente hurbildu eta ihes egin nahi zuen gizona geldiarazi zuten. Gizonak aitortu zuenez, bere egoera pertsonala zela eta, ezin zuen haurraren ardura bere gain hartu, eta Gizarte Zerbitzuak kargu egitea nahi zuen.
Adingabeak abandonatzea delitu izanik, atxilotu egin zuten gizona eta haurra Larrialdiko Gizarte Zerbitzuen esku utzi zuten, gaur egun atzerrian dagoen amarekin gaia konpondu bitartean.
Gipuzkoako Foru Aldundiaren zaintzapean geratu da haurra. Gertatutakoa jakin bezain laster, foru larrialdietako zerbitzua aktibatu eta haurrak babesteko zerbitzuak kargu hartu zuen.