Gizartea -

Trafikoa

A-8 autobia erabat ireki dute Ortuella parean, Kantabriarako noranzkoan, arazoak konpondu ostean

Kamioi batek artaziarena egin du 11:30 aldera eta errepidea itxita egon da 17:00ak aldera erreietako bat ireki duten arte. Ondoren, beste erreiak ere ireki dituzte. Kamioilaria Gurutzetako Ospitalera eraman dute.

EITB MEDIA

Whatsapp Facebook Twitter Telegram Email

A-8 autobia itxi dute larunbat eguerdian Ortuella parean (Bizkaia), Kantabriarako noranzkoan, 11:30 aldera kamioi batek istripua izan ostean, Eusko Jaurlaritzako Trafikoko iturriek EITB Mediari baieztatu diotenez. Kamioiak artaziarena egin du eta errepidean gurutzatuta geratu da. Kamioilaria zauritu egin da, eta Gurutzetako Ospitalera eraman dute.

Ezbeharraren ondorioz, Kantabriara joateko hiru erreiak itxi behar izan dituzte, eta trafikoa Bilboko Portuaren irteeratik bideratu dute eta auto-pilaketa txikiak sortu dira.

16:30 baino lehentxeago eraman dute kamioia bertatik, eta errepidea garbitu dute. Ondoren, 17:00ak aldera, erreietako bat ireki dute, eta bertatik bideratu dute zirkulazioa. 18:00etarako ireki dute errepidea erabat.

Hau zure interesekoa bada, baliteke beste gai hauek ere izatea
Trafiko Istripuak Trafikoa Gizartea Trafiko webkamerak Eguneko albisteak Ortuella Albisteak A-8 Autobidea Kantabria Trafiko istripuen biktimak