Gizartea -
Sutea
Auto bat kiskali da Astigarragan eta suak beste lau ibilgailu kaltetu ditu
Eusko Jaurlaritzako Segurtasun Sailak jakinarazi duenez, 06:15 aldera jaso dute abisua, Astigarragako (Gipuzkoa) Pelota kalean ibilgailu bat erretzen ari zela ohartarazteko. Sua zerk eragin ote duen ikertzen ari dia.
Agentziak | EITB Media
Auto batek su hartu du igande goizaldean Astigarragan (Gipuzkoa), eta sugarrek beste lau ibilgailu kaltetu dituzte.
Segurtasun Sailak Europa Pressi jakinarazi dionez, 06:15 aldera jaso dute abisua, Astigarragako (Gipuzkoa) Pelota kalean ibilgailu bat erretzen ari zela ohartarazteko.
Sugarrek inguruan aparkatuta zeuden beste lau automobil kaltetu dituzte, horietako bat bereziki.
Bertaratu diren suhiltzaileek 07:00etan lortu dute sutea itzaltzea. Ertzaintza sua zerk eragin duen ikertzen ari da.