Covid-19ko agerraldi bat hauteman dute Bilboko Altamirako aterpetxean

Positibo eman duten erabiltzaileak lekualdatzen ari dira konfinamendua egin ahal izateko, eta, aldi berean, kaltetutako eremua garbitzeari ekin diote.

Agentziak | EITB Media

publikatuta: 2021/07/13 12:39 (UTC+2)

azken eguneratzea: 2021/07/13 16:40 (UTC+2)

Koronabirusak kutsatuta, zenbait erabiltzailek positibo eman dute Bilboko Altamirako behin-behineko aterpetxean. Hori dela eta, pertsona horiek beste leku batzuetara eraman dituzte, konfinamendua egin ahal izateko, eta eremua garbitzeari ekin diote, Bilboko Udaleko iturriek jakinarazi dutenez.

Arduradunek adierazi dutenaren arabera, "Udalak koordinazio eraginkorra du Eusko Jaurlaritzako Osasun Sailarekin kasu horiek eta euren kontaktuak hautemateko, beste udal-zerbitzu publiko eta pribatuetan ematen den bezala".

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.

Hau zure interesekoa bada, baliteke beste gai hauek ere izatea

Osakidetza Bilbo Gizartea Eguneko albisteak Albisteak Koronabirusa

Covid-19ko agerraldi bat hauteman dute Bilboko Altamirako aterpetxean

Esteka kopiatuta