Gizartea -
Zirkulazio-istripua
Gizon bat larri zauritu da Zeanurin, autoarekin errepidetik irtenda
Gizonezkoa helikopteroz eraman dute ospitalera, suhiltzaileek ibilgailutik atera ostean.
N.B. | EITB MEDIA
Gizon bat larri zauritu da ostiral honetan, gidatzen ari zen autoa errepidetik aterata. Istripua Zeanurin gertatu da, N-240 errepidean, Bilborako noranzkoan, Segurtasun Sailak jakitera eman duenez.
Suhiltzaileek ibilgailutik atera behar izan dute gizona eta helikopteroz eraman dute ospitalera, larrialdi zerbitzuek bertan artatu ostean.
Ezbeharra 14:30ak aldera jazo da, oraindik ikertzen ari diren arrazoiengatik.
Hau zure interesekoa bada, baliteke beste gai hauek ere izatea