Gizartea -

Koronabirusa

Bizkaiko egoitzetako 33 erabiltzaile eta 12 langilek, positibo koronabirusean

Lurraldeko 155 egoitzetako 20tara iritsi da covid-19a. Positibo eman duten 25 erabiltzaile daude ospitaleratuta.  

Bizkaiko adinekoen 20 egoitzatara iritsi da koronabirusa.
Adinekoen egoitza
Bizkaiko adinekoen 20 egoitzatara iritsi da koronabirusa.

eitb.eus

Whatsapp Facebook Twitter Telegram Email

Bizkaian adinekoak jasotzeko baimenduta dauden 155 egoitzetatik, 20tara iritsi da koronabirusa, martxoaren 22an, igandearekin, jasotako datuen arabera, Bizkaiko Aldundiak iragarri duenez.  

Egoitzen zortzi erabiltzailek positibo baieztatua eman dute covid-19an; 25 erabiltzaile ospitaleratuta daude, positibo emanda; egoitzetako 12 langilek ere positibo eman dute; eta 52 lagun gehiago isolatuta daude, covid-19an positibo eman gabe.

20 zentro horietatik batek 14 eguneko isolamendu-aldia burutu du, eta ez du kasu gehiagorik atzeman.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Batzordearen telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.
Hau zure interesekoa bada, baliteke beste gai hauek ere izatea
Gizartea Eguneko albisteak Albisteak Adinekoentzako egoitzak COVID kasuak Bizkaiko Foru Aldundia azken orduko albisteak Pertsona edadetuak