Gizartea -
FLORIDA
Kongresuko eta Senatuko ordezkariak, Pablo Ibarren ahozko epaiketaren hasieran
Ahozko epaiketa azaroaren 26an hasi eta 2019ko urtarrilera arte luzatuko da. Bederatzi senatarik eta bi diputatuk osatuko dute ordezkaritza.
AGENTZIAK | ERREDAKZIOA
Pablo Ibarrek kontrako ahozko epaiketa datorren astelehenean hasiko da Floridan, eta Diputatuen Kongresuko eta Senatuko ordezkaritza bat bertan izango da.
Ordezkaritza Senatuko bederatzi kidek eta Diputatuen Kongresuko beste bi kidek osatuko dute, eta talde parlamentario guztiak egongo dira ordezkatuta. Epaiketa Fort Lauderdalen egingo da, Miamitik 40 kilometro iparraldera.
Ondorengo senatariak eta diputatuak joango dira Estatu Batuetara: Maria Rosa Vindel Lopez senataria (Talde Popularra), Maria Jose Fernandez Muñoz senataria (Talde Sozialista), Joan Comorera Estarellas senataria (Unidos Podemos-En Comú Podem-En Marea), Jordi Martí Deulofeu (ERC), Jose María Cazalis Eiguren (EAJ), Josep Lluis Cleries i Gonzalez senataria (Talde Nazionalista), Jon Iñarritu Garcia senataria (Talde Mixtoa), Alfonso Cuenca Miranda Kongresuko abokatua eta Rosa Orozco Santiago idazkaria. Diputatuen Kongresuaren izenean, Francisco Molinero Hoyos Justizia Batzordeko lehen presidenteordea eta Isabel Revuelta de Rojas batzordeko abokatua.
Pablo Ibarren aurkako laugarren epaiketa urriaren 1ean hasi zen eta Dennis Bailey da epaimahaiko presidentea. Orain arte, herri-epaimahaia osatuko duten kideak aukeratzen aritu dira eta astelehenean hasiko da ahozko epaiketa.
Halaber, egun horretan bertan Jack Tuter epailearekin elkartuko dira. Ondoren, Pablo Ibarri bisita egingo diote espetxean.
Astearte arratsaldean egingo dute itzulerako bidaia.
