Ibex 35ek inoizko jaitsierarik handiena izan du, Brexitaren ondorioz

Espainiako burtsaren adierazle nagusiak, Ibex 35ek, inoizko jaitsierarik handiena izan du gaur, ekainak 24, Erresuma Batuko herritarrek Europar Batasuna uztea erabaki eta gero.

Hain zuzen ere, % 12,35 amildu da adierazlea, 7.787,70 puntura.

Urteko datu guztiak kontuan hartuta, Ibex 35ek % 18,40ko jaitsierak pilatu ditu, azken lau saioetan % 6,26 gora egin badu ere.

Adierazlean kapitalizazio handien duten balioek jaitsiera handiak izan dituzte: Santanderrek % 19,89 egin du behera; BBVAk, % 16,18; Telefonicak, % 16,12; Repsolek, % 10,94; Iberdrolak, % 10,20; eta Inditexek, % 6,80.