Baztan

Azpilicuetagaraycosaroyarenberecolarrea izena eman diote komunikabide askok Baztanen kokatuta dagoen Azpilkueta udalerriari, baina ez omen da benetako izena.

"Las que no duermen. Nash" filmak ez du benetako krimen bat kontatzen, hainbat krimenetan oinarritzen da, batez ere Josefa Sagardia Goñiren kasuan. Josefa 1936ko abuztuan desagertu zen, sei seme-alabekin batera, eta haren gorpuzkiak Legarreako leizean aurkitu zituzten 2016an.

Lehen saria irabazi berritan, Julen Arburua artzaina pozik mintzatu da. Otsailaren 22an egindako gazta natural batekin irabazi du.

Beste zerbitzu batzuetan ere arazoak dituzte. Elizondoko osasun-zentroan, adibidez, medikurik gabe egon dira uda osoan.

Horrelaxe daude ibaiak gaur, Nafarroan. Euriteen ondorioz, Baztan ibaiaren ur emariak dezente gora egin du Elizondon, eta Arga eta Ultzama ibaiak ere nabarmen hazita doaz azken orduotako ekaitzen eraginez.

Baztandarren Biltzarra egin dute, urtero lez, Elizondon. Senide-harremanak sendotzeko festa hau ibarreko jairik adierazgarriena da, eta "xarma berezia" du, baztandarren esanetan.

Lozy's pharmaceuticals enpresako langileek greba mugagabea hasiko dute astelehenean, enpresak hitzarmen propiorik negoziatu nahi ez duela salatzeko; izan ere, Estatu mailako hitzarmena aplikatzen diete. Enpresak gozoki sendagarriak egiten ditu, eta 78 langile ditu une honetan.

Baztan aldean, Zigan, izan da "SOS Kantak Arriskuan" saioa, eta "Hiru erregeekin" kanta berreskuratu dute. Lide Hernandok bertsio berria abestu du eta Iker Laurobarekin batera eskaini digu.

02:00ak inguruan gertatu da istripua, N-121-A errepidean, Baztanen, Almandozko tuneletatik gertu. Suhiltzaileek erreskatatu behar izan dituzte bi gidariak, eta Nafarroako Unibertsitate Ospitalera eraman dituzte, anbulantziaz.

33 urtez Doneztebeko ikastetxean lanean egon ondoren, pentsa baino lehenago erretiroa hartu zuen Tere Arretxeak. 60 urterekin erretiratzeko aukera eman zioten eta, buelta asko eman ondoren, jubilatzea erabaki zuen. Dioenez, osasunez ondo egonez gero loteria bat da 60 urterekin erretiroa hartzea.

Gaur aurkeztu dituzte txapelketa eta parte hartuko duten 24 bertsolariak. Saioa Alkaiza txapelari eusten saiatuko da 2021ekoa jantzi ostean.

Lekarozko Kortaria-Infernuko Gasnak irabazi du Nafarroako Ardi Latxaren Esne Gordinarekin Egindako 41. gazta lehiaketa igande honetan. Iaz ere gaztandegi berak eskuratu zuen Uharte Arakilen ospatzen den lehiaketako garaikurra. Sari asko irabazken ari dira azken urteotan.

Baztanen, Okoli mendiaren ondoan dagoen eremu irisgaitz batean, gaur arratsaldean piztutako baso-sutearen egoera ezagutzeko hegaldia egin dute Nafarroako suhiltzaileek. (Suhiltzaileek Twitterren zabaldutako irudiak).

Nabarmen ugaritu dituzte kontrolak, Otsondon aparkatuta zeuden autokarabanei harrika egindako erasoa gertatu ostean. Joan den azarotik antzeko hiru eraso izan dira.

Horietako bat Alkurruntz mendian piztu da, Amaiurren, iristeko zaila den gune batean. Helikoptero bat ari da sua itzaltzeko lanetan. Bigarren sutea, ostera, Izpegi inguruan hasi da, Erratzun, eta kontrolpean hartu dute.

9. edizioa du (H)ilbeltza nobela beltzaren asteak, 'Idazleekin solasean' irakurle taldetik sortua. Elurre Iriarte, (H)ilbeltza Astearen antolatzailea, 'Biba Zuek!' saioan izan da proiektuaz mintzatze aldera.

(H)ilbeltza Baztango Nobela Beltzaren Asteak bederatzigarren edizioa izango du aurten. Alberto Atxa eta Elurre Iriarte antolatzaileak elkarrizketatu ditugu "Hitzokei"n, xehetasun guztiak ezagutzeko asmoz.

Azkenaldian minutu ugari izaten ari da Jon Pacheco baztandarra Imanol Alguacilek zuzendutako taldean. Orain dela ia hiru urte debuta eginda, badirudi hamaikakoan bere lekua egiten ari dela.