EA Sports Ligako Reala-Real Madril partida ostiralera aurreratu dute: apirilaren 26an jokatuko dute, 21:00etan

2023-24 denboraldiko EA Sports Ligako 33. jardunaldiko Reala-Real Madril partida apirilaren 26an jokatuko dute azkenean, ostiralez, 21:00etan, Ligak ostegun gauean iragarri duenez. Madrilgo taldeak hurrengo asteartean, hilaren 30ean, Munichen, Bayern aurkari, Txapeldunen Ligako finalerdietako joaneko partida izango du, eta horregatik egin dute aldaketa. Alaves-Celta eta Atletico Madril-Athletic partidetan ere izan dira aldaketak; aurreikusita zegoenez, larunbatean jokatuko dituzte, hilaren 27an, baina, hurrenez hurren, 18:30ean eta 21:00etan, azkenean.

Hasiera batean, Reala-Real Madril partida larunbaterako zegoen aurreikusita, baina ostiralean jokatuko dute. Hala, Realaren aurkariak beste atseden egun bat gehiago izango du Txapeldunen Ligako partidaren aurretik.

Osasuna-Granada partidan, aldiz, ez dago inolako aldaketarik; apirilaren 28an jokatuko dute, igandez, 16:15ean.

EA Sports Ligako 33. jardunaldia: behin betiko ordutegiak

Apirilaren 26an, ostiralez, 21:00etan: Reala-Real Madril

Apirilaren 27an, larunbatez, 18:30ean: Alaves-Celta

Apirilaren 27an, larunbatez, 21:00etan: Atletico Madril-Athletic

Apirilaren 28an, igandez, 16:15ean: Granada-Osasuna