Athletic-Madril CFF, Sporting Huelva-Reala eta Alaves-Atletico Madril, Erregina Kopako final zortzirenetan

Asteazken arratsaldean Madrilen egindako Erregina Koparen final zortzirenetako zozketaren arabera, Alavesek Atletico Madrilen kontra jokatuko du, etxeko talde gisa, Realak Sporting Huelva izango du aurkari, etxetik kanpo, eta Athleticek Madril CFF hartu beharko du mendean, etxeko talde bezala. Kanporaketa partida bakarrera jokatuko dute, urtarrilaren 13 eta 14ko asteburuan.

Honako hauek dira zozketan erabakitako kanporaketa guztiak:

Alaves-Atletico Madril

Athletic-Madril CFF

Sporting Huelva-Reala

Alba Fundazioa-Bartzelona

Real Oviedo-Granadilla Tenerife

Betis-Real Madril

Levante Las Planas-Sevilla

Valentzia-Levante

Horrenbestez, Lehen RFEFeko Alavesek txapelketako egungo txapelduna izango du aurkari, alegia, Atletico Madril, eta F Ligako Realak eta Athleticek maila goreneko beste bi talderen aurka jokatuko dute.