Hernanik eta Injertok agur esan diote Kopako ametsari

Hernani eta Injerto euskal taldeak Errege Kopatik at geratu dira atariko kanporaketan, eta ezingo dute bete Santander Ligako talde baten aurka jokatzeko ametsa.

Hernanik galdu egin du Galizian, Victoriaren aurka (1-0), eta Injertok porrota jaso du Aragoin, Utrillasen aurka (2-0). Beraz, amaitu egin da bi euskal talde hauen ibilbidea Errege Kopan.

Kopako lehen kanporaketako partidak ostegun honetan zehaztuko dira, zozketa bidez. Leioak bermatuta du Santander Ligako aurkari baten kontra lehiatzea, baina ez du Athletic, Bartzelona, Real Madril edo Atletico Madril izango aurkari, lau talde horiek final-zortzirenetan ekingo baitiote Kopari, Espainiako Superkopa jokatuko dutelako.