Posta bidezko botoak ia % 11 hazi dira Euskadin, 2016ko hauteskundeekin alderatuta

Orotara 57.726 pertsonak eskatu dute posta bidez bozkatzea 2024ko apirilaren 21ean Eusko Legebiltzarrerako hauteskundeetan, hau da, 2020an baino % 54 gutxiago. Dena dela, duela lau urteko bozak pandemia garaian egin zituzten, eta horrenbestez, baliteke batzuk eta besteak alderatzeak emaitza bitxiak ematea.

Pandemia aurretik egindako azken bozekin (2016koak) konparatuta, posta bidezko botoen kopuruak % 10,6 egin du gora; izan ere, 52.188 pertsonak eman zuten ordua botoa posta bidez.

Denboran atzera eginda, 2012koetan 45.300 boto-emailek bozkatu zuten postaz, eta 2009koetan, 43.100ek.

Posta bidez bozkatzea eskatzeko epea ostegunetik ostiralerako gauerdian amaitu da.

Orain, herritarrek hilaren 18ra arteko epea dute botoa Correoseko edozein bulegotan emateko.