Homosexualen arteko ezkontza, munduko 11 estatutan soilik legeztatuta

Munduko hamaika estatuk soilik dituzte homosexualen arteko ezkontza onartzen duten legeak, besteak beste, Espainiak. Auzitegi Konstituzionalak duela zazpi urtetik PPk sexu bereko pertsonen batasunaren aurka aurkeztutako helegitea errefusatu du astearte honetan.

Gaur egun, honako Estatu hauetan da legezkoa: Espainian, Holandan, Belgikan, Kanadan, Hegoafrikan, Norvegian, Suedian, Portugalen, Islandian Argentinan eta Danimarkan; AEBetako sei estatutan eta Mexikoko hiriburuan ere bada, Quintana Roo Mexiko estatuan eta Alagoaz Brasilgo estatuaz gain.

Holanda izan zen, 2000 urteko irailean, homosexualen arteko ezkontza onartu zuen lehen Estatua. Legea 2001eko maiatzaren 1ean sartu zen indarrean, eta egun hartan egin ziren lehenengo lau ezkontzak, Amsterdamen.

Haren ostean, Belgikak (2003an, Kanadak (2005ean), Espainiak (2005ean), Hegoafrikak (2006an), Norvegiak (2009an), Suediak (2009an), Portugalek (2010ean), Islandiak (2010ean), Argentinak (2010ean) eta Danimarkak (2012an) gauza bera egin zuten.

Espainiak homosexualen arteko ezkontzak onartu zituen laugarren Estatua izan zen. Kanadak baino bi egun geroago onartu zuen, Espainiako legea lehenago sartu bazen ere indarrean.

Gobernu sozialistak bultzatuta, Espainian sexu bereko pertsonen arteko ezkontzak onartu zituen legea 2005eko ekainaren 30ean onartu zuten, Diputatuen Kongresuan, eta uztailaren 3an sartu zen indarrean.

Espainian sexu bereko pertsonen arteko lehenengo ezkontza 2006ko uztailaren 11n izan zen, Tres Cantosen (Madril). Ezkondu ziren pertsonak gizonezkoak ziren.

AEBetan, Massachusetts, Connecticut, Iowa, Vermont, New Hampshire y New York Estatuetan da legezkoa, baita Columbian ere.

Washington, Maryland eta Maine estatuek batasun hauek onartzen dituzten legeak dituzte, baina martxan jartzeak astearte honetan izango diren hauteskundeen araberakoa izango da.

Homosexualen arteko ezkontzak AEBetako hogeitahamar bat estatutan debekatu dituzte.