Homosexualen arteko ezkontzaren legezkotasuna bermatu dute

Auzitegi Konstituzionalak homosexualen arteko ezkontza legezkoa dela bermatu du, auzitegiak jakitera eman duenez. Epaiak zortzi boto izan ditu alde, eta hiru kontra.

Sexu bereko bikoteen arteko batasuna babestu duten zortzi magistratuetatik batek, Manuel Aragonek, boto partikularra eman du epaiari buruz. Andres Ollerok, Juan Jose Gonzalez Rivasek eta Ramon Rodriguez Arribasek eman dute kontrako botoa, eta boto partikular dibergentea azaldu dute.

Era horretan, Konstituzionalak errefusatu egin du PPk duela zazpi urte sexu bereko pertsonen arteko batasunak erregulatzen dituen legearen aurka aurkeztutako helegitea.

Lege horrek 2005ean onartu zenetik (Jose Luis Rodriguez Zapateroren Gobernuak egin zuen) homosexualen arteko 25.000 ezkontza egitea ahalbidetu du.

Helegitean, PPk sexu bereko pertsonen arteko ezkontzek “ezkontzaren oinarrizko ezarpena” desnaturalizatzen dutela zioen, “orain arte ulertu bezala”, Konstituzioaren 32. artikulua hausten duela uste izanda. Artikulu horren arabera, “gizonezkoek eta emakumezkoek berdintasun juridiko osoz ezkontzeko eskubidea dute”.

Gobernuak Konstituzionalaren epaia onartu du

Alberto Ruiz-Gallardon Justizia ministroak Gobernuak Konstituzionalaren epaia onartu duela esan du, eta izaera loteslea duelako, sexu bereko pertsonen arteko batasuna erregulatzen duen eta indarrean dagoen legea ez duela aldatuko nabarmendu du.

Konstituzionalaren erabakia (Jose Luis Rodrigez Zapateroren Gobernuak bultzatutako legea mantentzea egin du) jakin ostean, egin ditu adierazpenok Gallardonek.

Justizia ministroaren hitzetan, helegitea bi pertsona homosexualen arteko batasunari ezkontza deitu ziezaiokeen inguruko “zalantza”ren inguruan jaio zen, eta Karta Magnarekin bat zetorren.

Konstituzionalak amaiera ezarri dio 22.000 bikote baino gehiagoren zazpi urteko zalantzei

Auzitegi Konstituzionalak amaiera jarri dio 22.000 bikote homosexual baino gehiagoren zazpi urteko zalantzei, 2005ean sexu bereko pertsonak ezkontzea ahalbidetzen zuen legeari PPk helegitea jarri zionetik.

Jose Luis Rodrigez Zapateroren Gobernu sozialistak bultzatuta, legeak Espainian homosexualen arteko ezkontzak baimendu zituen. Diputatuen Kongresuan, 2005eko ekainaren 30ean onartu zen, 187 boto alde, 147 kontra (PP eta Unio Democratica de Catalunya) izanda, eta lau abstentzio (CiU). Honako hauek agertu ziren legearen alde: PSOE, PNV, ERC, Coalicion Canaria, IU-ICV, Talde Mixtoa, Convergenciako bi diputatu eta Celia Villalobos PPko diputatua.

Legea uztailaren 3an sartu zen indarrean, eta arrera ona eman zion homosexualen taldeak, baina Elizaketa PPk errefusatu egin zuten; azken horiek batasunak babestu zituzten, baina ez zituzten ezkontzak onartu.