Politika -
Atxiloketak Frantzian
Errazkin, Carrascoren eta Uriaren hilketekin lotuta
Bestalde, Jose Javier Oses auzipetuta egon da 2004 eta 2007. urteen bitartean Iruñean kale borrokako 40 ekintza inguru egiteagatik.
Erredakzioa
Barne Ministerioaren arabera, Ugaitz Errazkin Isaias Carrasco zinegotzi sozialistaren eta Inaxio Uria enpresaburuaren heriotzekin lotuta dago.
Barne Ministerioaren webgunean terrorista bilatuenen artean azaltzen da Errazkin, eta bart atxilotu dute Frantzian Jose Javier Osesekin batera. Lehen informazioen arabera, atxilotu dituztenean pistolak zeramatzaten.
Errazkin Baionan jaio zen orain 27 urte. Auzitegi Nazionalak bilatzeko eta atxilotzeko agindua eman zuen 2009an. Tolosako epaitegien aurkako atentatu bat egitea, Lazkaoko sozialisten egoitzan lehergailu bat jartzea eta Hernaniko Santa Barbara mendian Ertzaintzaren aurka lehergailu tranpa bat ezartzea leporatzen diote gainera.
Nafarroako Unibertsitatean lehergailu-kotxe bat jartzea ere egozten diote. 28 lagun zauritu ziren eta kalte materialak ugariak izan ziren.
"Ezuste" komandoko "Asti" taldeko kide izatea leporatzen diote, Manex Castro eta Beñat Aginagalderekin batera.
Bestalde, Jose Javier Oses, 2004 eta 2007. urteen bitartean, Iruñean, kale borrokako 40 ekintzagatik auzipetua izan da. Halaber, Segirekin lortzen dute.
Oses Carrascok 32 urte ditu eta Burlatan jaio zen. 2007an atxilotu zuten Burlatan bertan eta Iruñean eginiko polizia operazio batean. Hala ere, 2009an, Auzitegi Nazionalak aske utzi zuen 6.000 euroko fidantzaordainduta.
