Politika -
Biktimaren Estatutu berria
Biktimek delitugilearen egoera ezagutzeko eskubidea izango dute
Estatutu horrek, besteak beste, biktimek, batez ere terrorismo auzietan, delitugilearen egoeraren berri izateko eskubidea arautuko du.
Erredakzioa
Estatutu horri esker, halaber, biktimek presoen kartzelaldia arintzeko neurrien inguruko iritzia eman ahal izango dute. Hori eta beste hainbat datu eman ditu gaur Ruiz-Gallardonek Senatuko Justizia batzordean, abian jarri nahi dituen erreformen nondik norakoak azaldu dituenean.
Halaber, Zigor Kodearen erreforma ere jarriko dute abian, ohiz kanpoko neurri gisa eta delitu larrietan, terrorismoaren eta sexu erasoen kasuan esaterako, “kartzela zigor iraunkor berrikusgarria ezartzeko”.
Gallardonen hitzetan, erreformaren bidez berrikuspen prozesu bat ere ezarriko dute; hartara, zigor hori jaso duten presoei azterketak egingo dizkiete, noizean behin, gizarteratzeko moduan dauden ikusteko.
