Ezker abertzalea: 'Gobernuak gatazka armatura itzuli nahi du'

Ezker abertzaleak EAEn "gatazka armatura itzuli" nahi izatea egotzi dio Gobernuari, ETAk iragarpena egin osteko errealitatea faltsututa.

Maribi Ugarteburu Batasuna ohiaren bozeramaileak Jorge Fernandez Diaz Barne ministroa kritikatu du ETAk talde logistiko ezkutu bat berregin nahi duela eta Gabonetan EAEko dendetan estortsio kanpaina bat abian jarri zuela esateagatik atzo.

Ezker abertzaleko ordezkariaren hitzetan, "erabateko lizunkeria" da "oraindik" Espainiako Gobernuak "intoxikazioaren bidea konplexurik gabe erabiltzea, agerian dagoen eta ezkutatu ezin duten errealitatea faltsutuz" (ETAk indarkeria utzi izanaren harira).

"Gatazka armatura itzultzea posible izatea nahi dute", esan du Ugarteburuk, baina "errealitatea beste bat da, eta oso ezberdina", gaineratu du.

Ugartebururen iritziz, Gobernuak jarrera hori dauka "demokratikoki eztabaida politikoari beldurra diolako".