Politika -
Elkarrizketa ETBn
Rodolfo Aresek Jaurlaritzan jarraituko duela esan du lehendakariak
Horrenbestez, gezurtatu egin du otsailean Rubalcaba PSOEren buruzagi berri aukeratuz gero, Rodolfo Ares izango dela Alderdi Sozialistaren Antolakuntza idazkaria.
Erredakzioa
Patxi Lopez lehendakariak esan du "erabat ziur" dagoela Rodolfo Ares Herrizaingo sailburuak Eusko Jaurlaritzan legegealdia amaitu arte jarraituko duela.
Gauzak horrela, gezurtatu egin du azkenaldian zabaldu den zurrumurrua; izan ere, informazio batzuen arabera, PSOEren buruzagi berria Alfredo Perez Rubalcaba bada, honek Ares aukeratuko omen du Alderdi Sozialistaren Antolakuntza idazkari kargurako.
"Erabat ziur nago legealdia amaitu arte Jaurlaritzan izango dela. Kongresu baten aurretik gezur asko esaten dira", nabarmendu du ETB-2ko 'Egunon Euskadi' saioan egindako elkarrizketan.
Bestalde, lehendakariak onartu du gauza batzuk "gaizki" egin direla, "bai Espainiako Gobernuan egon garenean bai PSOEren zuzendaritzatik, eta militantzia horretaz ohartu da", erantsi du.
Joan den maiatzeko udal eta foru hauteskundeetan edo azaroaren 20ko hauteskunde orokorretan Alderdi Sozialistak izandako emaitza txarrak horren ondorio izan direla adierazi du.