De Guindos, krisiari aurre egin beharko dion gizona

Luis de Guindos Ekonomia eta Lehia ministro berriak hainbat erronka izango ditu, besteak beste, atzeraldi ekonomikoari, zorraren krisiari eta finantza sistemaren berregituraketari aurre egin beharko dio.

Horiek izango dira De Guindosen erronka nagusiak, baina ez bakarrak, izan ere, Ecofineko bileretan Espainia ordezkatuko du eta euroguneko zorraren krisiari aurre egiteko Europako kideekin negoziatzeko zeregina izango du.

De Guindos PPko lehen Gobernuko fitxaketa izan zen, baina orain, enpresa pribatuan izan ostean, lehen mailara itzuli da egoera zail bati irtenbidea bilatzen saiatzeko.

Luis de Guindosek 52 urte beteko ditu urtarrilean. 2006an Espainiaren eta Portugalen negozioetarako bankuko presidente exekutiboa izendatu zuten.

2008an PricewaterhouseCoopers kontsultora sortu zuen Finantza Sektoreko Zentroaren eta IEE Bussines Schooleko zuzendari izendatu zuten.

De Guindos Espainiako kontserbadoreen "guru"tako bat bilakatu da azken aldian; izan ere, irizpen ekonomiko eta kirisiaren aurkako errezeta ugari eman ditu.

Azken hilabeteotan egoera ekonomikoaren diagnostiko ezkorra azaldu du, eta atzeraldi bidean gaudela esan du. Ildo horretan, murrizketa neurriak eta ekonomiaren erreforma proposatu ditu.

Orain horiek abian jartzeko aukera izango du.

Ogasuna eta Administrazio Publikoa

Cristobal Montoro, azken urteetan Mariano Rajoyren aholkulari nagusienetariko bat izan da, eta orain, Ogasun eta Administrazio Publikoko ministroa izango da.