Politika -
Berraztertzeko idazkia
Amaiurrek hautazko interpretaziotzat jo du Mahaiaren erabakia
Amaiurren hitzetan, Mahaiak "bateratutako" irizpidea aldatu eta gutxiengoari talde parlamentarioa osatzea baimentzeko irizpidea aldatu du.
Erredakzioa
Amaiurreko diputatuek bere erabakia aldatzeko eta talde propioa izatea baimentzeko eskatu diote Kongresuko Mahaiari; izan ere, Amaiurren hitzetan, Kongresuko Araudiaren "hautazko" interpretazioa egin dute, eta aurretik hartutako erabakiekin kontraesanean daude. Halaber, koalizioa "baztertzea" nahi dutela uste dute.
Horrela jasotzen du Amaiurrek arratsaldean Kongresuko Erregistroan aurkeztutako berraztertzeko idazkia. Horretan, Mahaiak "bateratutako" irizpidea aldatu duela azpimarratu dute, eta hortaz, gutxiengoari talde parlamentarioa osatzea baimentzeko irizpidea aldatu dutela uste dute.
Diputatu abertzaleen hitzetan, argudio berriak "Kongresuan egin ohi izan den printzipioaren aurka doa; izan ere, ahalik eta talde parlamentario gehien osatzea bilatu izan da beti, eta irizpide berria horren aurka doa".
17 orriko idazkia aurkeztu dute, eta besteak beste, zenbait aurrekari aurkeztu ditu Amaiurrek talde parlamentario propioa izateko. Halaber, Konstituzio Auzitegiaren doktrina aipatu dute.
