Mendia: 'Otegiren deklarazioak ez du ezer berririk ekarri'

Idoia Mendia Eusko Jaurlaritzaren bozeramaileak adierazi duenez, Bateragune auziko epaiketan Arnaldo Otegik egindako adierazpenak "oso argiak" dira baina "ez dute ezer berririk ekarri". Hala ere, Mendiak aitortu duenez, "nahiago genuke adierazpen hauek duela bost urte entzun izana eta ez orain".

Horrela mintzatu da Mendia Bateragune proiektuari buruzko epaiketan Arnaldo Otegi Batasunako bozeramaile ohiak egindako deklarazioaren gainean. Otegiren hitzetan, "indarkeria armatua eta borroka politikoa konbinatzen zituen estrategia batetik estrategia bakezale eta demokratiko batera igarotzea" erabaki zuen ezker abertzaleak.