Urkulluren ustez presoen sakabanaketa 'zigor erantsia eta arbitrarioa' da

Iñigo Urkullu lehendakariak kartzela politika "borroka alderdikoiaren eta demagogikoaren eztabaidatik ateratzea" eskatu du, eta adierazi du presoen sakabanaketa "zigor erantsia eta arbitrarioa" dela, "araudi-esparruan aurreikusita ez dagoena".

Urkulluk sare sozialetan argitaratu du komunikatua, eta ETAko presoak zehazki aipatzen ez baditu ere, gogorarazi du epailea dela zigorra ezartzen duena, eta "epai batek ere ez" duela "ezartzen zigorraren zati gisa presoak kondena bere gizarte- edo familia-ingurunetik urrun bete behar duenik".

Izan ere, lehendakariak azpimarratu du Espetxeen Lege Organiko Orokorraren 12.1 artikuluak "kontrakoa" ezartzen duela, "zigortuak gizartetik ez deserrotzeko ahalegina" egingo dela.

Gainera, Konstituzioak "zigorraren helburua zigortuak berriro heztea eta berriro gizarteratzea" dela adierazten duela gogorarazi du. "Deserrotze soziala saihestearen bidez, beren gizarteratzea hobetu nahi da", gaineratu du.

Mezuak jarraitzen du esanez "urruntzearen defentsa legezkontasunarekin bat ez etortzeaz gainera, gizatasunaren zentzu oinarrizkoenaren aurkakoa" dela, urruntzearen bidez ez direlako presoak zigortzen, baizik eta "gurasoak, aitona-amonak, seme-alabak, neba-arrebak eta abar".

Horregatik guztiagatik, Eusko Jaurlaritzaren kartzela politikari buruzko iritziak lau oinarri omen ditu: "Araudi-esparrua, legezkotasuna, gizateriaren printzipioa eta elkarbizitzaren finkapena".

Gainera, Urkulluk eskatu du gaia "borroka alderdikoiaren eta demagogikoaren eztabaidatik ateratzea eta printzipioen, legezkotasunaren eta adostasunaren eremura eramatea".