Politika -
Auzipetua
Clara Ponsati kontseilari kargugabetua Eskoziako polizia-etxe batean entregatu da
Horren aurkako epaiketa asteazken honetan, 14:00etan, hasi da.
Agentziak | erredakzioa
Clara Ponsati Generalitateko kontseilari kargugabetua Edinburgoko (Eskozia) polizia-etxe batean entregatu da asteazken goiz honetan, 11:45 aldera, Espainiako Auzitegi Gorenak igorritako euroagindua betez.
Polizia-etxera sartu aurretik Aamer Anwar Ponsatiren abokatuak azaldu duenez, Espainiako Justiziak igorritako euroagindua dela eta entregatu da Ponsati, 2017ko urriaren 1eko erreferendumean parte hartzeagatik auzipetu baitute. Anwarrek "jazarpen politikoaz" hitz egin du polizia-etxera sartu baino lehen.
Halaber, epaiketa, gaur, 14:00etan izango da, horren arabera.
Bestalde, irakaskuntzako kontseilari ohiak laguntza ekonomikoa eskatu du defentsaren gastuak ordaintzeko. Twitter sare sozialaren bidez eman dute horren berri.
"Lagundu gaitzazue nire defentsa ordaintzen", esan du Ponsatik Twitterreko mezuan. Diru-laguntzak jasotzeko webgune bat agertzen da bertan, eta 88.000 libera esterlina bildu ditu oso denbora gutxian.
