Politika -
KATALUNIA
Puigdemont atxilotu egingo dute epailea izendatu aurretik
Belgikako Fiskaltza federalak oharra kaleratu du Puigdemont eta kontseilariak atxilotzeko aginduko diola Poliziari, euroaginduaren inguruko erabakia hartuko duen epailea erabaki aurretik.
AGENCIAS | REDACCIÓN
Bruselako Fiskaltzak Carles Puigdemont eta bere kontseilariak atxilotzeko aginduko dio Poliziari, euren kontrako euroaginduaz erabaki behar duen epailea izendatu aurretik.
"Askatasuna murrizten zaien unetik aurrera, edozein momentutan deklaratu ahal izango dute epailearen aurrean" esan dute Bruselako Fiskaltzako iturriek eta bai Puigdemonten bai kargugabetutako lau kontseilarien (Antoni Comin ,Clara Ponsati, Lluis Puig eta Meritxell Serret) abokatuekin harremanetan daudela zehaztu du.
Orain arte Belgikako Fiskaltzak zeraman gaia, baina gaurtik aurrera, Bruselako Fiskaltzak hartu du ardura eta erakunde horrek hartu ditu erabaki hauek.
Presidentea eta bere kontseilariak eskualde berean badaude, epaile bakarra izendatuko zaie, ziur aski, deklarazioa hartu diezaien. Belgikako toki ezberdinetan atxilotuko balituzte, baina, epaile ezberdinak izango lituzkete.
"Aurkitu eta epailearen aurrera eramaten ditugunetik aurrera, epaileak 24 ordu izango ditu euroaginduaren gaineko erabaki bat hartzeko" esan dute Fiskaltzatik.
Komunikabideak zain dira auzitegien aurrean:
