Arantza Quirogak legebiltzarkide akta entregatu du

Arantza Quiroga Euskadiko 'popularren' presidente ohiak legebiltzarkide akta entregatu du gaur eta, hortaz, uko egin dio Eusko Legebiltzarreko aulkiari, Euskadiko Alderdi Popularreko iturriek berri eman dutenez. Quirogak dimisioa eman zuen aurreko asteazkenean Euskadiko PPko presidente gisa eta, 20 urteko ibilbidearen ondoren, politika utziko du.

PPko iturriek berri eman dutenez, Quirogak legebiltzarkide izateari uko egiteko akta sinatu eta entregatu du gaur Eusko Legebiltzarrean.

Quirogak aurreko astean dimititu zuen Eusko Legebiltzarrean "askatasun eta elkarbizitza" izeneko lantaldea osatzeko haren proposamena erretiratzera behartua izan ostean.

Dimisioa eman zuen egun berean, politika utziko zuela iragarri zuen Quirogak.