Politika -
Hausnarketa prozesua
Gure Esku Dago, datorren urteko ekimenei begira dagoeneko
Erabakitzeko eskubidearen aldeko plataformak martxoan hasitako hausnarketaren hirugarren bilera egin du gaur eta, bertan, esan dute gero eta herritar gehiagok bat egingo duela prozesuarekin.
eitb.eus
Gure Esku Dago plataforma datozen urteetako ekimenak aztertzen hasi da, noiz egin eta nola.
Izan ere, Agurainen egin dute gaur bilera, martxoan hasitako hausnarketa prozesuko hirugarrena, eta urriaren 31an emaitzaren berri emango dute.
Halaber, arrakastatzat jo dute ekainaren 21eko ekimena, eta ziur daude gero eta herritar gehiago batuko zaizkiela.
Angel Oiarbide bozeramaileak esan du erabakitzeko eskubidea lortzeko bidean urrats naturala direla dagoeneko iragarrita dauden herri galdeketak, eta uste du politikak jasoko duela mezua.
"Gure lana hiritarrek euren etorkizuna erabakitzeko duten gaitasunera zuzenduta dago", gaineratu du Oiarbidek.
