Arrospideren espetxealdia berretsi dute ‘ihes egin lezakeelako’

Auzitegi Nazionalak berretsi egin du Santiago Arrospide Sarasola ETAko kide ohiari ezarritako behin-behineko espetxealdia, “edozein momentutan ihes egin lezakeelako” berriz epaitu dezaten ekiditeko eta, egun, “berriz deliturik egiteko arriskua” dagoelako.

Hala adierazi dute epaileek bi epaitan, Zigor Arloko 4 Sekzioko Aretoak defentsak aurkeztutako helegiteak arbuiatuta.

Angela Murillo (presidentea), Carmen Paloma Gonzalez eta Juan Francisco Martel epaileen arabera, Arrospidek “ez du damua azaldu eta ez ditu egindako ekintzak arbuiatu”, horrezkero, “epaitegiak ondorioztatzeko egoeran dago”, bere aurrekariak ikusita, Arrospidek “delituak egiteko gaitasuna” duela.

Gainera, epaileen esanetan, ETAk “azpiegitura pertsonala eta materiala” nahikoa dauka Justiziatik alde egitea ahalbidetzeko eta “aipatutako banda horrek ekintza terrorista berriak egiteko arrisku garbia dago”.

Halaber, epaileek arbuiatu egin dute presoak 30 urteko gehienezko zigorra bete izana, defentsak esan bezala, eta argudio horiek “asmakeriak” direla esan du; “ezin dute ihes egiteko eta deliturik berriz egiteko benetako arriskua” desitxuratu.