Politika -
Ibilbide orria
Masek hauteskundeetarako 'aurrerapausoa' ematea espero du Junquerasek
Generalitatearen buruak 19:30ean emango duen hitzaldian izango da ERCko presidentea, bertatik bertara izateko ibilbide orri berriaren berri.
Erredakzioa
Oriol Junqueras ERCko presidentea Artur Mas Generalitateko buruaren hitzaldian izango da gaur, 19:30ean, A9ko parte-hartze prozesuaren ondoren proposatuko duen ibilbide orri berriaren informazioa bertatik bertara jasotzeko, eta hauteskundeetara bidean "aurrerapausoa" emango duela espero du.
"Une egokia da hauteskundeak deitzeko. Oso beharrezkoak direla uste dut. Ziur gauza asko ditugula komunean, orain arte partekatu egin ditugulako", adierazi du RAC1 irrati-katean.
Josep Antoni Duran i Lleida UDCko buruzagiak sustatu duen Construim plataformaren harira, Junquerasek azpimarratu du "une honetan herriari laguntzeko ahal den guztia" egin beharra dagoela, "norberari dagokion alorrean".
"Errespetu handia diot mundu guztiari: CDCri, Durani, Masi eta gainerako alderdi politikoetako buruzagiei. Independentismoaren oinarriak zabaltzen saiatzea da orain gure egitekoa", Junquerasen arabera.
