'Bozkatuena alkate izateak herritarren nahia gehiago errespetatzen du'

Mariano Rajoy Gobernuko presidenteak astelehen honetan adierazi duenez, hauteskunde-erreforma gainerako indar politikoekin negoziatzen saiatuko da alderdia, baina aukera honek herritarren nahiarekin “askoz ere errespetu gehiago” duela nabarmendu du, boto gehiena dituena alkatea izanda.

Gobernuburuak azalpen horiek eman ditu Angela Merkel Alemaniako kantzilerarekin eskainitako prentsaurrekoan, PPk hauteskunde orokorrak eta autonomikoak baino lehen aurrera eraman nahi duen hauteskunde-erreformaren inguruan galdeginda.

Rajoyk azaldu duenez, alderdiarekin bilduko da proposamena zehazteko, eta gainera indar politikoekin hitz egiten saiatuko dela gaineratu du. Azken horiek negoziatzeari uko egin diote.

Halere, argi utzi du herritarren gehien bozkatzen dutena alkatea izatea “askoz ere hobea” dela uste duela, hiru, lau, bost edota sei alderdi politikoren paktutik datorren batetik baino.