'Arazoak hitz eginez konpontzen dira, ez alde bakarreko erabakiekin'

Mariano Rajoy Gobernuko presidenteak Artur Mas Generalitateko presidenteari esan dio arazoak "hitz egiten" konpontzen direla, eta "ez aldebakarreko erabakiak hartzen eta gero gainerakoei azaltzen", "atxikimendu kontratu" moduan.

Enpresa familiarreko kideen erakundeko urteroko asanblearen amaieran, Rajoyk hitz horiek esan ditu, Diputatuen Kongresuak Kataluniako Parlamentuak egindako lege-proposamena (Kataluniari erreferendumak deitzeko eskubidea ematea) eztabaidatuko duen egunaren bezperan.

Rajoyk nabarmendu du Kataluniako Parlamentuak Estatuaren "eskumen esklusiboa" eskatu zuela Gobernuak kontsulta deitzeko Masen erabakia "komunikabideen bitartez" jakin ostean. Kontsulta hori azaroaren 9an egingo litzake. "Baiezkoa eman behar dugu? Horri atxikimendu kontratua deitzen zaio", adierazi du. Horregatik, guztiei "esfortzu bat egiteko" eskatu die, legeari "eusteko eta eztabaidatzeko.

Halaber, "hainbat gauza eztabaidatu" daitezkeela uste duen arren, "integrazio prozesuaren" kontrako norabidean joateak "zentzurik ez" duela azpimarratu du. "Egun ezin da txikia izan", abisatu du. Testuinguru horretan, Europako integrazio planez (bankuen  batasuna eta batasun fiskalak, besteak beste) hitz egin du.

Rajoyren ustez, Kataluniako "arazoari" irtenbidea jarriko diote, eta Gorteen astearteko eztabaida "argitzailea" izatea espero du. Bere hitzetan, Kataluniak eta Espainiako gainerako herrialdeek "500 urte baino gehiago daramate elkarrekin bizitzen", lotura familiarrekin, afektiboekin, odolekoez gain.

Finantzaketa-eredua "eztabaida" daiteke

Horrez gain, arazoren bat egon izan dela aitortu du, eta "finantzaketa-eredua ona ala txarra den eztabaidatu" daitekeela gaineratu du. Halere, eztabaida hori "askotan" ikusi duela esan du, 2002an eta 2009an azaldu du. Azken horretan, Generalitateari "hau da finantzaketa-eredu handia" esaten entzun ziola nabarmendu du.