Cospedal: 'Egonkortasunari eustea da onena Nafarroarentzat'

Maria Dolores de Cospedal PPren idazkaria nagusiaren esanetan, "Nafarroarentzat onena Gobernuaren egonkortasunari eusten laguntzea da", eta "alternatiba Bildurekin Gobernuan egotea bada", bere alderdia "beti" eta "zalantzarik gabe" kontra azalduko dela gaineratu du.

Telecincon egindako elkarrizketa batean, Cospedalek azaldu du Ekomomia kontseilari baten kontrako salaketa egoteak "ez du esan nahi egia denik". Halere, ziur agertu da irregulartasunik egon dela baieztatzen bada, Yolanda Barcina presidenteak Lourdes Goicoechea kontseilaria kargutik kenduko duela.

"Zuzenbide-estatu batean bizi bagara, guztiak legearen eraginpean gaude eta guztiok dugu errugabetasun-presuntzioa izateko eskubidea", esan du Cospedalek; gainera, horren ustez, Barcinak ez du "inolako interesik" legez kanpoko jarduera bat babesteko.

Edonola ere, gaineratu du nahiago duela ikerketa batzordearen emaitzei itxaron, eta PSOEri ohartarazi dionez, zentsura-mozioa deitzeko alternatiba (Bilduren babesa behar du aurrera egiteko) "ez da onena Nafarroarentzat, ezta Espainiarentzat ere".

"PP kontra azalduko da beti eta zalantzarik gabe, Bildu bidelagun izatea ekarriko duen prozesu batean", azaldu du.