ANk Gurtelen frogak bermatu ditu Garzonekin loturarik ez dutelako

Auzitegi Nazionalak Gurtel auziko ikerketaren eginbideak bermatu ditu (besteak beste, telefonoen entzuketak eta erregistroak) Baltasar Garzon epaileak agindutako entzuteekin harremanik ez dutelako. Azken horiek baliogabetzat hartu zituzten, eta 11 urteko kargugabetzea eragin zion horrek.

Zigor arloko epaitegiko laugarren sekzioak erabaki hori hartu du autoan, bederatzi inputatuk prozedura osoa "guztiz baliogabetzeko" nahia errefusatu ostean. Garzonek hala adostuta abokatuen eta kartzelan zeuden akusatuen arteko entzuteak legez kanpokoak izateak auziko gainontzeko frogei "hedakorra" izatean oinarritzen ziren inputatuak.

"Nahi hori aurreko ikerketa-diligentzia guztiei eta legez kanpoko jarrera zehatzari orokortzeak prozesuan ikusitako kutsaduraren transmisio irregularra gauzatzea eragingo luke", horrek auzian ikertzen ari diren delituak zigorrik gabe geratzera eramango lituzke.

Inputatu horien defentsen arabera, Gurteleko diligentziek Francisco Correa eta Pablo Crespo auziko ustezko buruen eta horien abokatuen artean kartzelan grabatutako hizketaldiekin harremana izango lukete. Auzitegi Gorenak Garzon epailearentzat 11 urteko kargugabetzea erabaki zuen 2011 urteko otsailean.