PSOEk eta IUk Abortuaren Legearen aurreproiektua kentzea eskatu dute

PSOEk eta IUk Abortuaren Legearen aurreproiektua kentzea eskatu dute, eta ekimen bana abiatu dute ildo horretan: Kongresuko Talde Sozialistak ez-legezko proposamen bat erregistratu du, Gobernuari bere izapidea geldiarazteko eskaerarekin eta IUk, bitartean, Alberto Ruiz Gallardon Justizia Ministroa eta Ana Mato Osasun Ministroa "berehala agertzea" eskatu du, Kongresuan aurreproiektuaren inguruan hitz egin dezaten, dagokizkien batzordeetan.

PSOEk aurkeztu duen proposamenaren arabera, berraztertzea "atzeraldi ikaragarria da, arlo arauemailean, sozialean eta ideologikoan", eta "emakumeen askatasunean eta eskubideetan izan zezakeen eraginaren inguruko aurreikuspenik txarrenak ere" gainditu ditu. Sozialisten arabera, emakume espainiarrak "berriro klandestinitatean kokatuko ditu" eta "euren amatasunaz eta sexualitateaz arduratsu, jakinaren gainean eta askatasunez erabakitzeko eskubidea ezabatuko du". Halaber, esan dute "hogeita hamar urteko atzeraldi honekin", Espainia "Europako salbuespena izango da". PSOEk 2010eko legearen baliotasuna defendatu du.

Soraya Rodriguez Talde Sozialistaren bozeramaileak nabarmendu du beharrezkoa litzatekeela, bere ustez, botazioa isilean egitea, "lotsatuta dauden PPren diputatuek ekimen honen aldeko botoa emateko eta, horrela, bertan behera uztea eskatu ahal izateko".

IU: “Legea leizeetako garaikoa, obskurantista eta inkisitoriala da”

IUk, bere aldetik, legea “leizeetako garaikoa, obskurantista eta inkisitoriala” delako eskatu du aurreproiektua bertan behera uztea. Gaspar Llamazares eta Ascension de las Heras bozeramaileek Diputazio Iraunkorraren deialdia erregistratu dute (saioak egoten ez direnean, hori izaten da, Kongresuaren osoko bilkurak ordezkatzen dituen organoa), ohiz kanpoko saio bat adosteko asmoarekin, Gallardon eta Matoren agerraldiak eztabaidatzeko.

Llamazarasen esanetan, erreformak emakumea "adingabetzat" jotzen du, eta era "inkisitorial" batean tratatzen ditu, osasunaren arloko profesionalak bezala. "Emakumeei oso gogor erasotzen die", bozeramailearen arabera, gehienbat malformazioetako kasuetan, haurdunaldia geldiarazteko bi hipotesietan ez direlako sartzen. Bere esanetan, Espainia Europako legedi guztietatik kanpo geratzen da: "Iraganera eramaten gaitu, ez 1985era", azpimarratu du. Llamazaresek eskatu dio Gobernuari ekimena aztertzeko, gizartearen, emakume profesionalen elkarteen eta PPren beraren erreakzioak kontuan izanda.