Politika -
Osasun arazoak
Azkunak senda-agiria jaso du
Bilboko alkateak ez du agerraldi publikorik egin apirilaren 14tik. Udaletik jakitera eman dutenez, Basurtuko Ospitalean egindako ebakuntzak ez du zerikusirik prostata minbiziarekin.
Erredakzioa
Iñaki Azkuna Bilboko alkateak senda-agiria jaso du Basurtuko Ospitalean, maiatzaren 6an ebakuntza egin ostean, Udaleko iturriek jakitera eman dutenez.
Azkunari ebakuntza egin zion aipatu ospitaleko digestio-kirurgia taldeak, iraganean alkateak izan zituen terapiek utzitako ondorioak sendatzeko asmoz.
Ebakuntza egin ondoren, alkateak lau egun igaro zituen Suspertze Unitatean, plantara igo aurretik.
Udaletik jakitera eman dutenez, Basurtuko Ospitalean egindako ebakuntzak ez du zerikusirik 2003an atzeman zioten prostata minbiziarekin.
70 urteko alkateak ez du agerraldi publikorik egin apirilaren 14tik.
