Politikarien aurkako protestetan erantzuteko agindu diote Poliziari

Barne Ministerioak Estatuko Segurtasun Idazkaritzaren hainbat jarraibide zabaldu ditu, alderdi politikoen eta politikarien aurkako protestetan Poliziak erantzuteko irizpideak izateko.

Argentinako diktadurarekin lotutako lagunen etxebizitzaren aurrean egindako protestak dira 'eskratxeak'. Kaleratzeak Stop kolektiboak ekimena berreskuratu du eta PPKo hainbat kideren aurkako protestak iragarri ditu, tartean, Antonio Basagoiti. Etxea ordainean emateko herri-ekimenaren lege-proiektuaren izapidetzean presioa egitea izango da protesten hauen helburua.

Barne Ministerioak zabaldutako irizpideen arabera, "protesta horietan parte hartzen dutenak identifikatuko ditu hasiera batean Poliziak, eta ondoren zigortu egingo ditu, egungo araudiari so eginda". Halaber, "egindako delitutzat jotzen bada, lagun horiek atxilotuko ditu Poliziak".

Euskadi

Bestalde, Eusko Jaurlaritzako Segurtasun Sailak ez du "beharrezkoa" ikusten politikarien aurkako protestetan jarduteko Ertzaintzari irizpide zehatzak ematea. Estefania Beltran de Heredia buru duen Sailak jakinarazi duenez, "protesta bakoitzean Legearen eta jazoera bakoitzaren arabera jardungo du Ertzaintzak".