Politika -
Kartzela-politika
Angel Figueroa gaixotasun larria zuen presoa hil da
ETAko kide ohia etxean ari zen zigorra betetzen eta bertan aurkitu dute hilda.
Erredakzioa
Angel Figueroa ETAko presoa hilda aurkitu dute etxean, Getxon (Bizkaia). Epilepsiarekin lotutako gaixotasun larria zuen Figueroak eta etxean ari zen zigorra betetzen.
Figueroa 2008ko azaroaren 11n atera zen kartzelatik eta arindutako espetxealdia betetzen ari zen, gaixotasunaren larritasunagatik Kartzela Zaintzako epaileak hala erabakita.
30 urteko kartzela-zigorra betetzen ari zen ETAko kide izatearekin lotutako delituengatik. Gaixotasun larriak dituzten presoak kartzelatik ateratzeko legea indarrean jarri zenetik espetxealdia arindu dioten 14 euskal presoetako bat zen.
Herrira euskal presoen eskubideen aldeko plataformak protesta ekitaldi ugari antolatu du Figueroaren heriotza salatzeko.
