Mundua -
Gatazka Sirian
Arabiar Ligak 'bide-orri' bat sortu du Al Asad Siriatik ateratzeko
Bi asteko epea ematen du oposizioaren eta Gobernuaren artean elkarrizketak hasteko. Elkarrizketa horien helburua batasun nazionaleko exekutiboa sortzea izan beharko litzateke.
Erredakzioa
Arabiar Ligak Siriatik ateratzeko ateak ireki dizkio Bachar Al Asad presidenteari, boterea presidenteordearen esku utzi eta batasun nazionaleko gobernua eratzeko eskatuta. Gobernu horrek hauteskunde libreak egin arte iraungo luke.
Konponbideak Golkoko Kooperazio Kontseiluak (CCG) Yemenen kasuan proposatutakoaren itxura handia dauka. Yemenen, hain zuzen, konponbide horrek Sale presidentearen "irteera" ekarri du, Arabiar Ligaren proposamentak bakerako bide-orri baten itxura du eta helburua 2011ko martxoan hasitako krisiari irtenbidea ematea da.
Hamad bin Yasim bin Yaber al Zani Qatarreko Kanpo Arazoetako ministroa Siriarako Arabiar Ligako Kontaktu Taldearen buruak berak azpimarratu ditu prenstaurreko batean, bide-orriaren eta Yemenen ezarritako konponbideen arteko antzekotasunak.
Oposizioarekin elkarrizketak
Arabiar Ligaren komunikatua El Cairoko bileran begiraleen azken txostena aztertu ondoren eman dute. Proposatuko plana ezustean harrapatu ditu guztiak. Plan horrek gobernuari eta oposizioari negoziazioetan hasteko bi asteko epea ematen die. Ondoren, batasun nazionaliko exekutiboa sortu beharko lukete.
