Bengoa: 'Jada ez da hain garrantzitsua espainiarrek beherakoak izatea'

Rafael Bengoa Eusko Jaurlaritzako Osasun sailburuak ia 500 medikamentu finantziazio publikotik kentzeko Ana Mato ministroaren proposamena kritikatu du, eta jada ez dela lehen bezain garrantzitsua espainiarrek beherakoak edota idorreria izatea esan du.

Proposamen hori Nazioarteko Osasun Sistemaren lurralde arteko batzordean egin du Matok. Ministerioak "pertsona askorentzat nahiko garrantzitsuak" diren sendagaiak finantzatzeari uztea proposatzea deitoratu du Bengoak, bilerara sartzean. "Arinak iruditu arren, beste gaixotasun batzuekin batera izaten direnean bizi kalitatea kentzen dizute", gaineratu du.

Halaber, 456 sendagairen zerrenda asteazken honetako bileran proposatzea kritikatu du, Ebaluazio Teknologikoaren Espainiako Sarearen lan jarduera onartuko baita bertan, "eta horrek erabakitzen baitu zein sendagai finantzatzen diren eta zein ez".

"Ez dakigu zer dagoen atzean ezta zerrenda nola egin duten ere, garrantzitsua da arrazoi zientifikoak erabiliz edota etxe bateko sukaldean erabaki duten jakitea", nabarmendu du Bengoak.