Errefuxiatuenganako elkartasunak Bilboko itsasadarra zeharkatu du

Amnistia Internazionala elkartearen Espainiako ordezkaritzak pleitatutako itsasontzi batek Bilboko itsasadarra zeharkatu du gaur arratsaldean, Europan sartzen saiatzen ari eta asiloa eskatzen duten errefuxiatuen alde. Elkartea Bizkaiko hiriburuan ari da egiten bere Batzar Orokor Federala.

"Refugees welcome" (errefuxiatuak ongietorri) leloa zuten bi pankarta alde banatan zituela, itsasontzi batek itsasadarra zeharkatu du, Areatzan egiten ari zen protesta-ekitaldi batekin bat eginez.

Euritik babesteko AIko euritako horiak zeramatzaten hogeita hamar bat lagunek parte hartu dute ekimenean. "Europako gobernuak, Espainiakoa barne, errefuxiatuen arazoaren aurrean ematen ari diren erantzun etsigarria"ren aurkako protesta izan da.