Cabacas auziko ofizialordeak agenteei tiro egitea agindu ziela esan du

Iñigo Cabacasek heriotzagatik inputatutako agenteei tiro egitea agindu zien Ertzaintzako ofizialordeak gomazko pilotekin Bilboko kalean kargatzea agindu zuela esan du berriro asteazken honetan.

Ofizialordeak bost ordu eta erdiz deklaratu du Bilboko 10. Instrukzio Epaitegiko epailearen aurrean, 2012ko apirilaren 5ean Cabacasen heriotza eragin zuen tiroaren inguruko egoera argitzen saiatzeko.

Horren testigantza gainerako hiru ertzainarekin bat dator. Azken horiek gomazko pilotak jaurti zituztela esan zuten epailearen aurrean urtarrilaren 30ean eta 31n.

Ofizialordeak auziaren instrukzio polizialean jasotakoa berretsi du, auziaren gertuko iturriek jakitera eman dutenez.

Deklarazio berrian, Ertzaintza Maria Diaz de Haroko kalera joan zela esan du, bertan zeuden istiluak (zaurituren bat tartean) zirela eta.

Istiluen aurkako materiala eramatea agindu zien ofizialordeak, erasorik jasoz gero aurre egin ahal izateko.

Objektu batzuk jaurti zizkietela esan ostean, gomazko pilotarik gabe tiro egiteko agindu zuen, baina istiluetan parte hartu zutenen jarrera lasaitzen ez zela ikusita, gomazko pilotekin kargatzea agindu zuen.

Epailearen aurrean egindako deklarazioan, tiro egiteko agindua jaso zuen grabazioa erreproduzitu dute.