Mendeko finantza-ekarpenetan sartutakoa itzuli beharko du Santanderrek

Bilboko instrukziozko 11. epaitegiak Santander bankua zigortu du, bezero bati Union Fenosa eta Fagor enpresen mendeko finantza-ekarpenetan egindako inbertsioak (100.000 eurokoak, guztira) itzul diezazkion. Hala ere, epaia ez da irmoa, eta, beraz, helegitea jar daiteke horren kontra.

Epaiaren arabera, banketxeak dirua itzuli beharko dio bezeroari; zehazki, 100.000 euro horiei kontratua bertan behera geratu zen arte jasotako etekinak kendu eta geratzen den kopurua. Bezeroak, bere aldetik, finantza tituluak itzuli beharko ditu. Hala ere, kostuak banketxeak ordaindu beharko ditu.

Epailearen arabera, frogatuta geratu da kontratua "akastu" egin zutela bezeroei dagokien informazio guztia eman gabe. Azken honek konfiantzaz jokatu zuela dio epaiak eta ondorioz, operazioak "baliogabetzea" erabaki du epaileak.

Akatsa banketxearena dela dio epaileak, "kontratuaren oinarrizko zehaztasunak isilean gordez, eta hori bezeroarentzat kaltegarria izan zitekeela jakinda".

Azkenik, "akats barkaezina" dela ondorioztatu du epaileak, bezeroak "konfiantzan oinarrituta hartu zituelako produktuak".