Amiantoak 182 langileren heriotza eragin du, erregistroen arabera

Amiantoarekin kontaktuan egon izanak 182 langileren heriotza eragin du Euskadin, Osalan Laneko Segurtasun eta Osasunerako Euskal Erakundeak erregistratuta dituen datuen arabera.

Juan Maria Aburto Eusko Jaurlaritzako Enplegu eta Gizarte Politiketako sailburuak eman du zenbatekoa Eusko Legebiltzarrean, EH Bilduk egindako galderari erantzunez.

2013ko urtarrilaren 31a arte, Osalanek kudatzen duen erregistroan amiantoarekin kontaktuan egon izan direnen ustezko kasuen artean 182 langileren heriotza dago erregistratuta, sailburuak emandako datuen arabera.

Bestalde, datu horien arabera, lantokian amiantoarekin kontaktuan egon diren 1.495 langile lanean dauden, eta beste 1.631 langile kontaktuan egon dira, eta lanean jarraitzen dute, baina beste lantoki batzuetan. Halaber, beste 2.807 langile amiantoarekin kontaktuan egon dira, baina, egun, ez daude lanean.

Aburtok azaldu duenez, erregistroan amiantoarekin kontaktua izan duten langile kopurua zehazteko RER Amianto Arriskudun Enpresen Erregistroan izena eman duten 167 enpresetan lan egin izan duten langileak bakarrik har daitezke kontuan.