Nuclenorrek Garoñako zentralarentzako eskaerak bete dituela esan du

Garoñako zentrala nuklearrarentzat Segurtasun Nuklearraren Kontseiluak egindako eskaera eta aholku guztiak bete dituela esan du Nuclenorrek, epe luzerako ezarritakoak izan ezik, horiek utzi egin baitzituzten 2013ko ekainean ezarri zelako itxiera data, zentralaren jabea den enpresak jakitera eman duenez.

Segurtasun Nuklearraren Kontseiluak atzoko osoko bilkuran zentral nuklearraren mugak eta baldintzak betetzea eskatzea onartu zuen, egun indarrean dauden jardunetan. Fukushimako gertaeraren ostean egindako erresistentzia frogak, eta erreaktorearen erregaiaren deskarga ere betetzea eskatu zuen.

Kontrol erakundeak bere eskaera honako honetan oinarritzen zuen: "juridikoki" zentralak ez duela bere jarduera amaitu, Industria Ministerioak bere irizpidea aldatzen ez badu behintzat 2013ko uztailaren 6an izango delako itxiera.

Nuclenorretik azaldu dutenez, Garoñak zentralak nuklearrak "itxiera eta desegite egoeran" jarraitzen du, erreaktorea 2012ko abenduan gelditu zutenetik.

Halere, Ministerioak zentralaren itxiera administratiboa berretsi behar duela adierazi du. Baina, hori baino lehen, Segurtasun Nuklearraren Zentralak Nuclenorrek aurkeztutako desegite planaren aldeko txosten bat bidali behar du.

Segurtasun Kontseiluak zaintze jarduerak iragarri ditu aste honetan bertan, Garoñak funtzionatzen jarraituko balu bezala, itxiera formala eman ez delako.